ഭാരതീയ ധർമ്മപ്രചാര സഭ

കേരളവും കാളിയും ശ്രീ വിദ്യയും ഇന്ന് പലയിടത്തും ചർച്ച ചെയ്യുന്ന ഒരു പ്രധാന വിഷയമാണ് ധർമ്മ ദേവതയെ വെടിഞ്ഞ് പലരും ശ്രീ വിദ്യയുടെ പുറകെ പോകുന്നു, ശ്രീ വിദ്യ പരദേശി വിദ്യ എന്നും എല്ലാം, എന്നാൽ ഇതിൻ്റെ നിജ സ്ഥിതിയെപ്പറ്റി ഒന്ന് വിചിന്തനം ചെയ്യാം , തന്ത്രത്തിൽ സർവ്വ പ്രാധാന്യമേറിയ വിദ്യകളിൽ രണ്ടെണ്ണം ഒന്ന് ശ്രീയും മറ്റൊന്ന് കാളിയുമാണ് തന്ത്രം വ്യക്തമായി പഠിച്ചാൽ മനസ്സിലാകും ഈ രണ്ടു വിദ്യകളിൽ അന്തർലീനമായാണ് മറ്റുള്ള ദശ മഹാ വിദ്യകളും ഉപ വിദ്യകളും. അതിനാൽ ശാക്ത മാർഗ്ഗത്തിൽ പ്രധാനമായി രണ്ട് കുലങ്ങൾ പറയുന്നു ഒന്ന് ശ്രീ കുലം - ശ്രീ വിദ്യാ അധിഷ്ഠിതം മറ്റെന്നു കാളി കുലം - മഹാ കാളി അധിഷ്ഠിതം  എന്നാൽ ഒരേ ഒരു ചിത് ശക്തിയുടെ മുഖ്യ രണ്ട് രൂപ ഭേദമാകുന്നു കാളിയും ശ്രീയും  "കാളികാ ദ്വിവിധ പ്രോക്താ കൃഷ്ണാ രക്താ പ്രഭേദതാ ,കൃഷ്ണാ തു ദക്ഷിണാ പ്രോക്താ രക്താതു സുന്ദരി മതാ " ശക്തി സംഗമ തന്ത്രം  ആദി ശക്തി ചിന്മയ സ്വരൂപിണി കാളിയെ രണ്ടായി പറയപ്പെടുന്നു ഒന്ന് കൃഷ്ണ ശക്തിയായ കാളിയും രണ്ട് രക്ത ശക്തിയായ സുന്ദരി അഥവാ ത്രിപുര സുന്ദരിയും രണ്ടും ഒന്നാണ് രൂപ ഭാവ മാർഗ്ഗ ഭേദം മാത്രം ആണ് വ്യത്യാസം ...

(ശ്രീചക്രത്തിൽ ബിന്ദുവിനെ  സ്തുതിച്ചു കൊണ്ടുള്ള  ഒരു രഹസ്യമായ ഉപാസന ശ്ലോകം  ഓണ സമ്മാനമായി  ഇവിടെ നൽകുന്നു. )   "മൂലമന്ത്രേണ  ലളിതേ  തത്  ബിന്ദും പൂജയാമ്യഹം  സർവാനന്ദമയം  ചക്രം തവ ദേവീ നമാമ്യഹം  പരാം പരരഹസ്യാഖ്യാം  യോഗിനീം തത്ര കാമദാം മഹാ ചക്രേശ്വരീം ദേവീം സുന്ദരീം പ്രണമാമ്യഹം  ബീജമുദ്രാം മഹാദേവീ ഏകകാല വിഭൂഷിതാം  ദേശകാല രഹിതം തത്വം മഹാ ബിന്ദും സന്തർപ്പയേത്  നിഷ്കലാ നിരുപമാ ദേവീ കാലത്രയവിഭേദിനീ  നിർഗുണാ നിരാധാരാ  ശിവ ശക്ത്യൈക്യരൂപിണീ  ബിന്ദുമണ്ഡലവാസിനീ ദേവീ  മഹാ മന്ത്ര സ്വരൂപിണീ  ഏതത് ത്രിപുരസുന്ദര്യാ  മഹാസ്ഥാനം കല്പയേത്:" അല്ലയോ ലളിതേ, മൂലമന്ത്രത്താൽ ( ശ്രീ വിദ്യാ  ഷോഡശിയാൽ ) നിന്നിലെ   ബൈന്ദവസ്ഥാനത്തെ  ഞാൻ പൂജിക്കട്ടെ. അത് സർവാനന്ദമയ ചക്രം തന്നെ ആകുന്നു.  പരാ രഹസ്യയോഗിനികളുടെ ഭൂമികയാണ് നിന്നിലെ ബിന്ദു.  മഹാചക്രേശ്വരിയായ  നീ അവിടെ സുന്ദരിയായി  പരിലസിക്കുന്നു. ഏകകാല വിഭൂഷിതയായ നിന്നെ ബീജമുദ്ര  കൊണ്ട് വീണ്ടും എന്നിലേക്ക്  ഉയർ...

 ശ്മശാന സാധന എറെ തെറ്റിധരിക്കപ്പേട്ടതും എന്നാൽ തന്ത്ര മാർഗ്ഗത്തിലേ ഉയർന്ന സാധനാ പദ്ദതിയിൽ ഉൾപ്പെടുന്ന ഒന്നാണു ശ്മശാന സാധന , ശ്മശാനം എന്നാൽ എല്ലാം ഒടുങ്ങുന്ന സ്ഥലം അഗ്നി തത്ത്വം കുടികൊള്ളുന്ന സ്ഥലം,ശ്മശാനം  കുണ്ഡലിനി ശകതിയുടെ  പ്രതീകമാണു ചിത് കുണ്ഡലിനിയേ ഉണർത്താൻ പ്രകൃതിയിലേ മഹാ ശ്മശാനത്തിൽ സാധകൻ സാധന ചെയ്യുന്നു, ബ്രഹ്മാണ്ഡത്തിൻ്റെ മധ്യത്തിൽ സാക്ഷാൽ മഹാ കാലനും മഹാ കാളിയും വസിക്കുന്നതു മഹാ ശമശാനത്തിലാണു അവിടെയാണു മുപ്പത്തി മുക്കോടി ദേവതകളുടെയും ദശ മഹാവിദ്യയുടെയും വാസ സ്ഥലം മഹാശമ്ശാനത്തിൽ പഞ്ച ഭൂതങ്ങളും വിലീനമായി ഭവിക്കുന്ന പുണ്യമായ സ്ഥലമാണു, ചിത് കുണ്ഡലിനിയുടെ പ്രതീകാത്മക രൂപമാണു ശ്മശാനം, ശ്മശാന സാധന ചെയ്യുന്ന ഒരു സാധകൻ തൻ്റെ ചിത് കുണ്ഡലിനിയേ ഉണർത്തണം അതു വഴി സാധകൻ സംസാര മായയിൽ നിന്നുള്ള ബന്ധനത്താൽ നിന്നു മുക്തനാകുന്നു എല്ലാം നശ്വരമാണു എന്നു ബോധ്യപ്പേട്ടു ആ കുണ്ഡലിനി എന്ന മഹാ ശകതിയേ പൂർണ്ണ രീതിയിൽ ഉണർത്തുന്നു ഇതിനാണു ശ്മശാന സാധന, ഒരു സാധകനു മൂന്ന് ഘട്ടമുണ്ടു പശു വീരം ദിവ്യം,  പശു എന്നു പറഞ്ഞാൽ ആ സാധകൻ അഷ്ട പാശത്തിൽ ബന്ധിതനാണു  കാമം, ക്രോധം, ലോപ, മോഹ,...

സാധനയുടെ വിഭിന്ന തലങ്ങളും അനുഭൂതികളും ഒരു കാര്യം പറഞ്ഞ് തുടങ്ങുന്നു ഉപാസനയുടെ ഓരോ ഘട്ടത്തിലും ഒരു ഉപാസകന് വരുന്ന അനുഭവതലങ്ങൾ തീർത്തും വ്യക്തിഗതമാണ് എന്നാലും പൊതുവായി വരുന്ന ചില അവസ്ഥകളെക്കുറിച്ച് ഇവിടെ എഴുതുന്നു എന്താണ് ഉപാസന ? സർവ്വതിനും കാരണഭൂതനായ ആ മഹാശക്തിയെ പരബ്രഹ്മമെന്ന്, പരമേശ്വരനെന്നും ,പരമേശ്വരിയേന്നും,നാരായണനെന്നും ഋഷീശ്വരന്മാർ കല്പിച്ചു കാരണം നിർഗുണമായ ഒന്നിനെ ആരാധിക്കാൻ സാധ്യമല്ല, അതിനാൽ സഗുണരൂപത്തിൽ അതായത് ദൃശ്യാവസ്ഥയിൽ ആ മഹാ ശക്തിക്ക് വിഭിന്ന രൂപം കല്പിച്ചു, ഗുണം, തത്ത്വം, അവസ്ഥ  എന്നിവ ആധാരമാക്കി ആ ശക്തിയെ ആരാധിക്കാനുള്ള മാർഗ്ഗങ്ങളും അവർ നിർദേശിച്ചു ആ മാർഗ്ഗങ്ങളെയാണ് ഉപാസനാ രീതികൾ എന്ന് പറയുന്നത് അനേക രൂപം കല്പിച്ച ശേഷം ഋഷീശ്വരന്മാർ മൂല രൂപമായ ഒരു വാക്യവും കല്പിച്ചു ( സത് ചിത് ഏകം ബ്രഹ്മ ) ഒരേ ഒരു പരമാത്മാവ് മാത്രം മറ്റെല്ലാം അതിൻ്റെ തന്നെ രൂപഭേദങ്ങളാണ്, ആ പരമാത്മാവിൽ എത്താനുള്ള പടി പടിയായ യാത്ര ആകുന്നു ഉപാസന ഉപ + ആസന = ഉപ എന്നാൽ അടുത്ത് ആസന എന്നാൽ ഇരിക്കുക ഉപാസന = അടുത്ത് ഇരിക്കുക ഉപാസനയുടെ ഓരോ ഘട്ടത്തിലും ഉപാസകൻ്റെ അവസ്ഥ മാറി അവൻ സാലോക്യം, സാമീപ്യ...

ചതുരാവർത്തി തർപ്പണം ഭാരതീയ ധർമ്മ പ്രചാര സഭ ആചാര്യൻ ഡോക്ടർ ശ്രീനാഥ് കാരയാട്ട് (ശ്രീനാഥ് ജി) വ്യവസ്ഥ ചെയ്ത ക്രമം ദീക്ഷിതർ മാത്രം ഗുരു ഉപദേശം അനുസരിച്ച് മാത്രം ചെയ്യുക ഗുരുപാദുകാ മന്ത്രം സംഘട്ടന മുദ്ര പിടിച്ച് ചൊല്ലുക ആചമനം വലതുകയ്യിൽ വെളളമെടുത്ത് മന്ത്രം ചൊല്ലി കുടിക്കുക 1.ഓം ശ്രീം ഹ്രീം ക്ലീം ഗം ആത്മതത്ത്വം വിശോധനാമി സ്വാഹാ - 2.ഓം ശ്രീം ഹ്രീം ക്ലീം ഗം വിദ്യാതത്ത്വം വിശോധയാമി സ്വാഹാ - 3.ഓം ശ്രീം ഹ്രീം ക്ലീം ഗം ശിവതത്ത്വം വിശോധയാമി സ്വാഹാ - 4.ഓം ശ്രീം ഹ്രീം ക്ലീം ഗം സർവ്വതത്ത്വം വിശോധയാമി സ്വാഹാ   ഹ്രീം എന്നു ജപിച്ച് തത്ത്വമുദ്രകൊണ്ട് ( പെരുവിരലും മോതിരവിരലും ചേർത്ത്) ജലമെടുത്ത് കണ്ണുകൾ , മൂക്ക് ( രണ്ടു ഭാഗവും ) ചെവി , തോൾ , നാഭി , ഹൃദയം , ശിരസ്സ് എന്നിവിടങ്ങളിൽ സ്പർശിക്കുക .  മൂലമന്ത്രം കൊണ്ട് 3 ഉരു പ്രാണായാമം ചെയ്യുക ,  സങ്കല്പം  മമ ഉപാത്ത സമസ്തദുരിതക്ഷയദ്വാരാ ശ്രീഗണനായക പ്രീത്യർത്ഥം . ........... ........ ഗൃഹേ  ...................... നക്ഷത്രജാതസ്യ ( സ്ത്രീയാണെങ്കിൽ നക്ഷത്രജാതായാ : )  ................... നാമധേയസ്യ  മമ സകല അഭീഷ്ടസിദ്ധ്യർ...

ശ്രീവിദ്യാ മന്ത്ര ദീക്ഷാ ശ്രീവിദ്യാമന്ത്രത്തിൽ ദീക്ഷ നൽകുന്നതിന് ആദ്യപടിയായി ഗണപതിമന്ത്രദീക്ഷയും , അതിൽ സിദ്ധി വന്നാൽ തുടർന്ന് ശക്തി പഞ്ചാക്ഷരീ, ബാല, ശ്യാമ , വാരാഹി ,  എന്നീ മന്ത്രങ്ങളിലും മന്ത്രദീക്ഷ നൽകുന്നു . ഇവയൊക്കെ സിദ്ധിയായാൽ മാത്രമേ പഞ്ചദശാക്ഷരിയോ ഷോഡശിയോ നൽകുകയുള്ളൂ .   ഉത്തമനായ ഗുരുവിൽ നിന്നും യഥാവിധി മന്ത്രദീക്ഷ സ്വീകരിച്ച് പുരശ്ചരണാദികൾ ചെയ്തു മന്ത്രസിദ്ധി വരുത്തിയ ഉപാസകനു മാത്രം വിധിച്ചിട്ടുള്ളതാണ് ശ്രീചക്രപൂജ.  കല്പസൂത്രത്തിൽ “ അഥാതോ ദീക്ഷാം വ്യാഖ്യാസ്യാമഃ " എന്ന പ്രഥമ സൂത്രം കൊണ്ടു തന്നെ ദീക്ഷയുടെ പ്രാധാന്യം എടുത്തു കാട്ടുന്നു . മന്ത്രോപാസനയ്ക്ക് ദീക്ഷമുഖ്യഘടകമാണ് എന്നത് ഈ പ്രഥമ സൂത്രം കൊണ്ടു സ്ഥാപിക്കുന്നു .  അഥ എന്ന മംഗളവാചകം തന്നെ ശാസ്ത്രോക്തമായ സകല ഗുണങ്ങളും തികഞ്ഞ ഒരു സാധകൻ മാത്രമേ ദീക്ഷയ്ക്കർഹനാകുകയുള്ള എന്നും ഇവിടെ ജാതിയോ സാമ്പത്തിക ഉച്ചനീചത്വമോ വർണ്ണമോ ഒന്നും ഉപാധിയല്ല എന്നും സൂചിപ്പിക്കുന്നു . ധനം പ്രാണൻ എന്നിവ സന്തോഷത്തോടെ ഗുരുവിനു സമർപ്പിച്ച് ഗുരുവിനെ സേവിക്കുന്നവനാണ് യഥാർത്ഥ ശിഷ്യൻ  അപ്രകാരമുള്ള ശിഷ്യനെ നിരീക്ഷണ പരീക്ഷ...

കാശ്മീര ശൈവം Dr R Ramanand പ്രപഞ്ചത്തിന്റെ കാരണമെന്ത്  ? എന്നന്വേഷിക്കാത്ത മതമോ, തത്വചിന്തയോ ശാസ്ത്രമോ നമ്മുക്ക് പരിചയമുണ്ടോ? അത്യന്താധുനികതയുടെ പരമകോടിയിൽ വിരാജിക്കുന്ന ശാസ്ത്രത്തിന് അതിനു ഉത്തരം ഇതുവരെയില്ല മഹാസ്ഫോടന സിദ്ധാന്തവും, പ്രപഞ്ചവികസന സിദ്ധാന്തവും ഇതിനു മുൻപോ ശേഷമോ ഉണ്ടായിട്ടുള്ള നിരവധി പ്രപഞ്ചാരംഭ സിദ്ധാന്തങ്ങളോ കൃത്യമായ ഒരു ഉത്തരം നൽകി കാണുന്നില്ല, എന്നാൽ നാളെ നൽകിക്കൂടാ എന്നില്ല, കാരണം നിരന്തര പരിണാമ ത്വരയുള്ളതാണ് ശാസ്ത്രം. കണികാ ഭൗതികവും, ക്വാണ്ടം ഭൗതികവും തുടങ്ങിയ ആധുനിക ഭൗതികശാസ്ത്രം  സഞ്ചരിക്കുന്ന പാത ആശാവഹമായ ഒരു ദിശയിലാണു സഞ്ചരിക്കുന്നത്. ശാസ്ത്രത്തിന്റെ കാര്യം മാറ്റിവെച്ചാൽ. പ്രപഞ്ചത്തിനു ആധാരമെന്തു എന്ന ചോദ്യത്തിന് നിയതമായ ഉത്തരം ഉള്ള രണ്ടു വിഭാഗങ്ങളെ  കാണാം ഒന്നാമത്തത് തീർച്ചയായും മതം ആണ് രണ്ടാമത്തേത് ദർശനം ആണ്. മതത്തിന് ഈ ചോദ്യത്തിന് കൊടുക്കാവുന്ന പരമാവധി ഉത്തരം ‘ദൈവം’ എന്നതാണ്.  അവിടെ എല്ലാ ചോദ്യങ്ങളും അന്വേഷണങ്ങളും വഴിമുട്ടി അവസാനിക്കുന്നു.  എന്നാൽ പ്രപഞ്ചത്തിനു കാരണമെന്ത് എന്ന ചോദ്യത്തിന് ദർശനങ്ങൾ കൊടുക്കുന്ന ഉത്തരങ്ങൾ നിരവ...