ഭാരതീയ ധർമ്മപ്രചാര സഭ

ചോദ്യം :സൃഷ്ടിക്ക് എന്തെങ്കിലും ലക്ഷ്യം ഉണ്ടോ ? എങ്ങനെയാണ് ജീവിക്കേണ്ടത് ? ഉത്തരം:നാം യഥാർത്ഥത്തിൽ ശുദ്ധ ബോധം ആണ് . രൂപരഹിതമായ ബോധം സ്വയം പലതായി സങ്കൽപിക്കുന്നതാണ് ഈ ജഗത്ത്. രൂപരഹിതമായ ബോധം ആനന്ദം തന്നെയാണ്. സൃഷ്ടിക്കുക or ക്രിയേറ്റ് ചെയ്യുക എന്നത് ബോധത്തിൽ അന്തർലീനമായി കിടക്കുന്ന കഴിവാണ്. അതിനാൽ ആനന്ദരൂപനായ ബോധം തൻറെ ക്രിയേറ്റിവിറ്റി പ്രകടിപ്പിക്കാനാണ് സൃഷ്ടി നടത്തുന്നത് . ഉദാഹരണമായി നാം ഒരു സ്വപ്നം കാണുന്നു എന്ന് സങ്കൽപ്പിക്കുക സ്വപ്നത്തിൽ കടലിനെ കാണുന്നു, തൽക്കാലം സ്വപ്നം കാണുന്ന ആളുടെ ബോധം കടലിനെ സൃഷ്ടിച്ചു എന്ന് പറയാം :ഉറങ്ങുന്ന ആളുടെ ബോധം സ്വപ്നത്തിൽ കടലിനെ സൃഷ്ടിച്ചത് നേരിട്ടല്ല . ആദ്യം ഒരു വ്യക്തിയെ സങ്കൽപ്പത്തിലുടെ സൃഷ്ടിക്കും . അതിനു ശേഷം  അ വ്യക്തിയുടെ കാഴ്ചപ്പാടിലൂടെയാണ് കടലിനെ കാണുന്നത്. സ്വപ്നത്തിലെ ആ വ്യക്തി കടൽ തീരത്ത് ഇരിക്കുമ്പോൾ അയാൾ ആനന്ദം അനുഭവിക്കുന്നു. കാറ്റുകൊളളുമ്പോൾ ശാന്തി അനുഭവിക്കുന്നു. എന്നാൽ കടലിലെ വെള്ളം കോരി കുടിച്ചാൽ അസ്വസ്ഥതയും ഉണ്ടാവും. അതുപോലെ ശുദ്ധ ബോധം സങ്കൽപത്തിലൂടെ പല വസ്തുക്കളെ സൃഷ്ടിച്ചു .വസ്തുക്കളെ കണ്ടാനന്ദിക്കാൻ മനുഷ്യരെ...

||*യുഗങ്ങളിലെ കൗള മാർഗ്ഗം*||  കൗള മാർഗം ഓരോ യുഗങ്ങളിൽ പ്രചരിച്ചത് വ്യത്യസ്ത പേരുകളിൽ ആകുന്നു.  ഉദാഹഹരണം..  നാല് യുഗങ്ങൾ ആണ് ഉള്ളത്.  1--കൃത യുഗം  2-ത്രേതാ യുഗം  3-ദ്വാപര യുഗം  4-കലിയുഗം  ഈ നാല് യുഗത്തിൽ പ്രചരിച്ച നാല് വേദങ്ങൾ  1--കൃത യുഗം --ഋഗ്വേദം  2-ത്രേതാ യുഗം --യജുർവേദം  3-ദ്വാപര യുഗം --സാമവേദം 4-കലിയുഗം--അഥർവ്വ വേദം  ഇപ്രകാരം ഈ നാല് യുഗത്തിൽ കൗള മാർഗ്ഗം പ്രചരിച്ചത് ഇപ്രകാരം ആകുന്നു  "ഭക്തിയുക്താ സമത്വേന സർവ്വേ ശൃന്വന്തു കൗളികാം || മഹാ കൗളാത് സിദ്ധ കൗളം സിദ്ധ കൗളാത് മസാദരം | ചതുർയുഗ വിഭാഗേന അവതാരം ചോദിതം മയാ|| ജ്ഞാനതോ നിർണ്ണിതി കൗളം ദ്വിതീയേ മഹത് സംഞകം | തൃതീയേ സിദ്ധാമൃതം നാമ കലൗ മൽസ്യോദരം പ്രിയേ|| യേ ചാസ്‌മിന്നിർഗതാ ദേവി!വർണ്ണയിശ്യാമി തേ£ഖിലം | യേ തസ്മാദ് യോഗിനി കൗളാത് നാമ്നാ ജ്ഞാനസ്യ നിർണ്ണിതൗ || 1--ആദി യുഗത്തിൽ (കൃതയുഗം +സത്യയുഗം ) കൗള ജ്ഞാനം എന്ന കൗള പദ്ധതി ആണ് പ്രചരിച്ചിരുന്നത് കൗള ജ്ഞാനം എന്ന പദ്ധതി പ്രകാരം മന്ത്ര,യോഗ,മറ്റു അംഗങ്ങൾ ചെയ്തിരുന്നത് (ആദി യുഗത്തിലെ കൗള പ്രചാരകർ ആയിരുന്നു സപ്ത ഋഷിമാർ ദേവ രൂ...

മാധവ്ജി അനുസ്മരണ ദിനം    കോഴിക്കോട് പന്നിയങ്കരയിലുള്ള പാലക്കൽ തറവാട്ടിൽ അഡ്വ. മാനവിക്രമൻ രാജയുടെയും സാവിത്രി അമ്മയുടെയും പുത്രനായി 1926 മെയ് 31നു (ഇടവമാസത്തിൽ ഉത്രാടം നക്ഷത്രത്തിൽ) ജനിച്ചു. സ്കൂൾ തലത്തിൽ തന്നെ സംസ്കൃതം, പുരാണങ്ങൾ, ജ്യോതിശാസ്ത്രം മറ്റു ഭാരതീയ സാഹിത്യങ്ങൾ എന്നിവയിൽ പഠനം ആരംഭിച്ചിരുന്നു. 1942ഇൽ ഇന്റർമീഡിയറ്റിനു പഠിക്കുമ്പോൾത്തന്നെ രാഷ്ട്രീയ സ്വയംസേവക സംഘത്തിന്റെ പ്രവർത്തനങ്ങളിൽ ആകൃഷ്ടനായിരുന്നു. ഉയർന്ന മാർക്കോട് കൂടി ഇന്റർമീഡിയേറ്റ് പാസ്സായതിനു ശേഷം മദ്രാസ് കൃസ്ത്യൻ കോളേജിൽ ബി. എസ്. സി ക്കു ചേർന്ന് ഗോൾഡ് മെഡൽ കരസ്ഥമാക്കി പാസ്സായി. 1946ഇൽ കേരളത്തിൽ നിന്നുള്ള ആദ്യ പ്രചാരകന്മാരുടെ കൂട്ടത്തിൽ മാധവ് ജിയും ഉണ്ടായിരുന്നു. ആലപ്പുഴയിലും തിരുവനന്തപുരത്തും കൊല്ലത്തും കണ്ണൂരും പ്രചാരകനായി പ്രവർത്തിച്ചു. 1962ഇൽ വടക്കൻ മേഖലയിലെ പ്രചാരകനായി പ്രവർത്തിക്കുമ്പോൾ ഉഗ്രസാധകനായിരുന്നു പള്ളത്തു ശ്രീ.നാരായണൻ നമ്പൂതിരി അവർകളിൽ നിന്നും ശ്രീവിദ്യ പൂർണ്ണ മന്ത്ര ദീക്ഷ സ്വീകരിച്ചു. ക്ഷേത്രത്തെക്കുറിച്ചുള്ള ഒരു ശാസ്ത്രീയ കാഴ്ചപ്പാട് ഹിന്ദു സമൂഹത്തിനു ലഭ്യമാക്കുന്നതിനു ക്ഷേത്രസങ്കല്...

മഹാ വിദ്യ ബഗളാമുഖി  ദശ മഹാ വിദ്യാ ക്രമത്തിൽ വളരെ സുപരിചിതവും പ്രധാന്യം ഉള്ളതുമായ ദേവി ആദി പരാ ശക്തി യുടെ രൂപം ആകുന്നു ദേവി ശ്രീ ബഗളാമുഖി. ദശമഹാവിദ്യാക്രമത്തിൽ അഷ്ടമ മഹാ വിദ്യ എന്നും ദേവിയെ അറിയപ്പെടും.  ശ്രീ ബഗളാമുഖി ദേവി ഉൽപ്പത്തി-  പൂർവ്വ കാലത്ത് ഒരു മഹാ രാക്ഷസൻ സമുദ്രത്തിൽ ഭയാനകമായ പ്രളയം ഉണ്ടാക്കുകയും , അത് തടയാനായി നാരായണൻ ഒരു പാട് ശ്രമം ചെയ്‌തു എന്നിട്ടും തടയാനാകാതെ വന്നപ്പോൾ, ശ്രീ ഹരി സൗരാഷ്ട്ര ദേശത്ത് ഹരിദ്ര എന്ന പേരുള്ള സിദ്ധ കുണ്ഡത്തിൽ (സരോവരം ) ത്തിൽ, ശ്രീ മഹാത്രിപുരസുന്ദരി ദേവിയെ തപസ്സ് അനുഷ്ടിച്ചു , ശ്രീ ഹരിയുടെ തപസ്സ് കൊണ്ട് പ്രസന്ന ആയ ദേവി ലളിതാ ത്രിപുര സുന്ദരി ബഗളാമുഖീ രൂപം ധരിച്ച് ആ അസുരനെ വധിച്ച് ലോക രക്ഷ ചെയ്‌തു. ഈ ദിവസം മംഗള വാരം കൂടിയ ചതുർദശി ആയിരുന്നു, ഈ ദിവസം മകര രാശിയുടെ കുല നക്ഷത്രം ആയി ചേരുമ്പോൾ ആ രാത്രിയെ "വീര രാത്രി " എന്നും അറിയപ്പെട്ടു. വൈശാഖമാസത്തിലെ ശുക്ലാഷ്ടമിയും വീര രാത്രിയായി എടുക്കാറുണ്ട് ഈ ദിവസം ബഗളാമുഖീ ജയന്തി എന്ന് അറിയപ്പെടുന്നു  ശ്രീ ബഗളാമുഖിയും തന്ത്ര ശാസ്ത്രവും -  ബഗളാമുഖിക്ക്,പീതാംബരാ, ബ്രഹ്മാസ്ത്ര വിദ്യ...

ഇന്ന് സ്വാമി ലക്ഷ്മൺ ജൂ മഹാരാജിന്റെ 1 14ാമത് ജൻമദിനം 1907 മെയ് 9 ന് കശ്മീരിലെ ശ്രീനഗർ നഗരത്തിലാണ് ലക്ഷ്മൺജൂ ജനിച്ചത്. കശ്മീര ശൈവിസത്തിന്റെ പണ്ഡിതനായിരുന്നു സ്വാമി ലക്ഷ്മൺ ജൂ അനുയായികൾ അദ്ദേഹത്തെ ലാൽ സാഹിബ് ("ദൈവത്തിന്റെ സുഹൃത്ത്") എന്നാണ് വിളിച്ചിരുന്നത്. നാല് ആൺകുട്ടികളും അഞ്ച് പെൺകുട്ടികളും ഉള്ള ഒരു വീട്ടിലെ അഞ്ചാമത്തെ കുട്ടിയായിരുന്നു അദ്ദേഹം. പിതാവ് നാരായണദാസ്റെയ്‌ന അമ്മയുടെ പേര് അർന്യമാലി റെയ്‌ന. അഞ്ചാം വയസ്സിൽ അദ്ദേഹത്തെ മൂത്ത സഹോദരൻ മഹേശ്വരനാഥ് ആത്മീയ പാതയിലേക്ക് നയിച്ചു.  എട്ടുവയസ്സുവരെ അദ്ദേഹത്തിന്റെ ആത്മീയ പരിശീലനം കശ്മീരി ശൈവത്തിന്റെ കുടുംബ പുരോഹിതൻ പണ്ഡിറ്റ് സ്വാമി റാം ജൂയും (1854-1915) പിന്നീട് അദ്ദേഹത്തിന്റെ പ്രധാന ശിഷ്യനായ സ്വാമി മെഹതാബ് കാക് (1870? -1942) എന്നിവരുടെ കീഴിലായിരുന്നു 19-ാം വയസ്സിൽ, ആത്മസാക്ഷാത്കാരത്തിന്റെ  രുചി അദ്ദേഹം അനുഭവിച്ചതായി പറയപ്പെടുന്നു.  താമസിയാതെ അദ്ദേഹം വീട്ടിൽ നിന്ന് ഇറങ്ങി ശേഷം അദ്ദേഹം മഹേശ്വർ റസ്ദാൻ എന്ന പണ്ഡിതന്റെ മാർഗനിർദേശപ്രകാരം സംസ്കൃതവും ശൈവ തത്ത്വചിന്തയും തുടർന്നു. 1934-35 ൽ ലക്ഷ്മൺ ജൂ ശ്രീനഗറി...

ഒരു കഥ:-        ഒരു സന്യാസിയുടെ അടുത്ത് ചെന്ന് ഒരു യുവാവ് പറഞ്ഞു. ഈ ജീവിതത്തിൽ എല്ലാം എനിക്ക് നഷ്ടപ്പെട്ടു, ഇനി ഈ ജീവിതത്തിൽ മരണമല്ലാതെ ഒന്നും ഞാൻ കാണുന്നില്ല "         അല്പസമയത്തെ മൗനത്തിനുശേഷം സന്യാസി പറഞ്ഞു; നിന്നിൽ ഒളിഞ്ഞിരിക്കുന്ന ഒരു വലിയ ഖജനാവ് എനിക്കറിയാം അത് നീ വിൽക്കാൻ തയ്യാറാണെങ്കിൽ നിന്റെ കാര്യങ്ങളെല്ലാം ഭംഗിയായി നടക്കുകയും,സാമ്പത്തികമായി നിന്നെ അലട്ടുന്ന പ്രശ്നങ്ങൾക്ക് ഒരു പരിഹാരമാവുകയും ചെയ്യും             ആ യുവാവ് ആശ്ചര്യ പെട്ടിരുന്നു അയാൾ ചോദിച്ചു "ഖജനാവ്"?. എന്റെ അടുത്ത് ഒരു നയാപൈസ പോലും ഇല്ല സന്യാസി പൊട്ടിച്ചിരിച്ചുകൊണ്ട് പറഞ്ഞു,നടക്കൂ എന്നോടുകൂടെ രാജാവിന്റെ അടുത്തേക്ക്, രാജാവ് വളരെ അറിവുള്ള വ്യക്തിയാണ് ഒളിഞ്ഞിരിക്കുന്ന ഖജനാവിൽ ശരിക്കും നോട്ടമിടുന്ന വ്യക്തിയാണ് അദ്ദേഹം. തീർച്ചയായും നിന്റെ ഖജനാവ് അദ്ദേഹം വാങ്ങിക്കുക തന്നെ ചെയ്യും. ഇതിനുമുമ്പും ഒളിഞ്ഞിരിക്കുന്ന ഖജനാവുകൾ വിൽക്കാൻ ആഗ്രഹിക്കുന്ന വ്യക്തികളെ ഞാൻ അദ്ദേഹത്തിന്റെ അടുത്ത് കൊണ്ടുപോയിട്ടുണ്ട്     ആ യുവാവിന് കാര്യങ്ങൾ ഒന്നും...

ഹരിദ്വാർ യാത്ര ഭാഗം 9 ഡോ: ശ്രീനാഥ് കാരയാട്ട് ................ അങ്ങനെ നാഗസന്ന്യാസി, ദിഗംബർ ബൽവീർ പുരി മഹാരാജ്നൊപ്പം സ്നാനത്തിനായി തീരുമാനിച്ച സമയമായി  2021 മാർച്ച് 27 വൈകുന്നേരം 4 മണി ഞങ്ങൾ സേപാർക്കിലുള്ള നിരഞ്ജനി അഖാഡയുടെ ക്യാബിൽ എത്തി സാധാരണ ദിവസങ്ങളിൽ പുലർച്ചെ രണ്ടര മണിക്ക് എഴുന്നേറ് ഗംഗയിൽ മുങ്ങിയാണ് നിരഞ്ജനി അഖാഡ യിലെ സന്യാസിമാരുടെ ദിവസം ആരംഭിക്കുന്നത് . ശേഷം 7 മണിവരെ കഠിനമായ ഉപാസനയും പരിശീലനങ്ങളും  ശേഷം ഭക്ഷണം കഴിച്ച്  ദൈനംദിന കാര്യങ്ങളിൽ തിരക്കാവും 12 മണിക്ക് മുമ്പായി ഭക്ഷണം കഴിക്കും  ഉച്ചയ്ക്ക് 12 മണിക്ക് മുമ്പായി ആരുതന്നെ വന്നാലും അവർക്ക് ഭക്ഷണം കൊടുക്കും എന്നാൽ 12 മണിക്ക് ശേഷം അവർ ഭക്ഷണം കഴിക്കുകയോ കൊടുക്കുകയോ ചെയ്യാറില്ല ഭക്ഷണം കഴിച്ച ശേഷം മൂന്നര മണി വരെ വിശ്രമം ശേഷം 4 മണിക്ക് വീണ്ടും ഗംഗാസ്നാനം ശേഷം സാധനയും പൂജയും അസ്തമയത്തിനു മുമ്പ് ഭക്ഷണ കഴിക്കും 8 മണിക്ക് വിശ്രമം ബൽവീർ പുരി മഹാരാജ് മറ്റ് നാഗ സന്ന്യാസിമാർക്കൊപ്പം നാലുമണിക്ക് ഗംഗാ സ്നാനത്തിന് തയ്യാറായി ,  ഞങ്ങൾ സ്വാമിജിക്കൊപ്പം സ്നാനഘട്ടി ലേക്ക് പുറപ്പെട്ടു. വലതുകൈയ്യിൽ  വലിയ ...

സനാതന സംസ്ക്കാരത്തിലെ യുക്തിരഹിതമായ കാര്യങ്ങൾ 1. എല്ലാ ഹൈന്ദവ ദേവീ ദേവന്മാരും എന്തുകൊണ്ട് ഇന്ത്യയില്‍ മാത്രം ജനിച്ചു? ഇന്ത്യക്ക് പുറത്തുള്ള ജനത്തിന് ഈ ദൈവങ്ങളെ കുറിച്ച് എന്തുകൊണ്ട് അറിവില്ല?   ഭാരതം എന്ന geographic location base ചെയ്ത നടന്ന സംഭവങ്ങളുടെ കാവ്യാ രൂപമാണ് , പുരാണങ്ങളും ഇതിഹാസങ്ങളും. ഇവ അറിവ് നിറഞ്ഞ കഥകൾ മാത്രമാണ്..ദേവനും ദേവിയും എല്ലാം മനസ്സിനെ ഏകാഗ്രമാക്കാൻ അല്ലെങ്കിൽ ശീലിക്കുന്ന വഴികൾ ആണ്..ഇവ ഭാരതത്തിൽ മാത്രമേ ഉള്ളു...എന്ത് കൊണ്ട് ഖുറാൻ ഇന്ത്യയിൽ ആയിരുന്നില്ല എന്നുള്ളത് ചിന്തിച്ചാൽ ഉത്തരം കിട്ടും   2. എല്ലാ ഹൈന്ദവ ദൈവങ്ങളും എന്തുകൊണ്ടാണ് ഇന്ത്യന്‍ മൃഗങ്ങളെ വാഹനമാക്കി? ചില രാജ്യങ്ങളില്‍ മാത്രം കണ്ടു വരുന്ന കങ്കാരൂ, ജിറാഫ് പോലുള്ള മൃഗങ്ങളെ എന്ത് കൊണ്ട് ഒരു ദൈവവും വാഹനമാക്കിയില്ല!?   പുരാണങ്ങളും ഇതിഹാസങ്ങളും ഭാരതത്തിൽ രൂപപെട്ട കഥകൾ ആണെന്ന് already പറഞ്ഞു..ഈ ദേവനും ദേവിയുമാണ് ഭാരതത്തിലെ തത്വചിന്തകളിൽ പറയുന്ന ഈശ്വരൻ അല്ലെങ്കിൽ ആത്മീയത എന്നു തെറ്റിദ്ധരിച്ച ഒരാളുടെ ചോദ്യമായി ഇതിനെ കണ്ടാൽ മതി.   3. എന്തുകൊണ്ടാണ് എല്ലാ ദേവീ ദേവന്മാരും രാജകുടുംബങ്ങളില...