ഗുരു പാദുകാ സ്തോത്രം

*ഗുരുപാദുക സ്തോത്രം* 

അനന്തസംസാര സമുദ്രതാര 

നൗകായിതാഭ്യാം ഗുരുഭക്തിദാഭ്യാം

വൈരാഗ്യസാമ്രാജ്യദപൂജനാഭ്യാം 

നമോ നമഃ ശ്രീഗുരുപാദുകാഭ്യാം 1

കവിത്വവാരാശിനിശാകരാഭ്യാം 

ദൗർഭാഗ്യദാവാം ബുദമാലികാഭ്യാം

ദൂരികൃതാനമ്ര വിപത്തതിഭ്യാം 

നമോ നമഃ ശ്രീഗുരുപാദുകാഭ്യാം 2

നതാ യയോഃ ശ്രീപതിതാം സമീയുഃ 

കദാചിദപ്യാശു ദരിദ്രവര്യാഃ

മൂകാശ്ച വാചസ്പതിതാം ഹി താഭ്യാം 

നമോ നമഃ ശ്രീഗുരുപാദുകാഭ്യാം 3

നാലീകനീകാശ പദാഹൃതാഭ്യാം 

നാനാവിമോഹാദി നിവാരികാഭ്യാം

നമജ്ജനാഭീഷ്ടതതിപ്രദാഭ്യാം 

നമോ നമഃ ശ്രീഗുരുപാദുകാഭ്യാം 4

നൃപാലി മൗലിവ്രജരത്‌നകാന്തി 

സരിദ്വിരാജത് ഝഷകന്യകാഭ്യാം

നൃപത്വദാഭ്യാം നതലോകപങ്കതേ: 

നമോ നമഃ ശ്രീഗുരുപാദുകാഭ്യാം 5

പാപാന്ധകാരാർക പരമ്പരാഭ്യാം 

താപത്രയാഹീന്ദ്ര ഖഗേശ്ര്വരാഭ്യാം

ജാഡ്യാബ്ധി സംശോഷണ വാഡവാഭ്യാം 

നമോ നമഃ ശ്രീഗുരുപാദുകാഭ്യാം 6

ശമാദിഷട്ക പ്രദവൈഭവാഭ്യാം 

സമാധിദാന വ്രതദീക്ഷിതാഭ്യാം

രമാധവാന്ധ്രിസ്ഥിരഭക്തിദാഭ്യാം 

നമോ നമഃ ശ്രീഗുരുപാദുകാഭ്യാം 7

സ്വാർച്ചാപരാണാം അഖിലേഷ്ടദാഭ്യാം 

സ്വാഹാസഹായാക്ഷധുരന്ധരാഭ്യാം

സ്വാന്താച്ഛഭാവപ്രദപൂജനാഭ്യാം 

നമോ നമഃ ശ്രീഗുരുപാദുകാഭ്യാം 8

കാമാദിസർപ്പ വ്രജഗാരുഡാഭ്യാം 

വിവേകവൈരാഗ്യ നിധിപ്രദാഭ്യാം

ബോധപ്രദാഭ്യാം ദൃതമോക്ഷദാഭ്യാം 

നമോ നമഃ ശ്രീഗുരുപാദുകാഭ്യാം 9

*ഓം നമഃ ശിവായ*