ഭാവനോ പനിഷത്

ഭാവനോപനിഷത്ത് - സൂത്രങ്ങൾ

അവതരണം

ഭാരതീയ ധർമ്മപ്രചാര സഭ

1. ശ്രീ ഗുരുഃ സർവകാരണഭൂതാ ശക്തിഃ

2. തേന നവരന്ധ്രരൂപോ ദേഹഃ

3. നവചക്രരൂപം ശ്രീചക്രം

4. വാരാഹീ പിതൃരൂപാ കുരുകുല്ലാ ബലിദേവതാ മാതാ

5. പുരുഷാർത്ഥാഃ സാഗരാഃ

6. ദേഹോ നവരത്നദ്വീപഃ

7. ത്വഗാദിസപ്തധാതുരോമസംയുക്തഃ

8. സങ്കല്പാഃ കല്പതരവസ്തേജഃ കല്പകോദ്യാനം

9. രസനയാ ഭാവ്യമാനാ മധുരാമ്ലതിക്തകടുകഷായ ലവണരസാഃ ഷഡൃതവഃ

10. ജ്ഞാനമർഘ്യം ജ്ഞേയം ഹവിർജ്ഞാതാ ഹോതാ ജ്ഞാതൃജ്ഞാനജ്ഞേയാനാമഭേദഭാവനം ശ്രീചക്രപൂജനം

11. നിയതിഃ ശൃംഗാരാദയോ രസാ അണിമാദയഃ

12. കാമക്രോധലോഭമോഹമദമാത്സര്യപുണ്യപാപമയാ ബ്രാഹ്മ്യാദ്യഷ്ട ശക്തയഃ

13. ആധാര നവകം മുദ്രാശക്തയഃ

14. പ്രഥിവ്യപ്തേജോവായ്വാകാശശ്രോത്രത്വക്ചക്ഷുജിഹ്വാഘ്രാണവാക്പാണിപാദപായൂപസ്ഥാനി

മനോവികാരഃ കാമാകർഷിണ്യാദി ഷോഡശ ശക്തയഃ

15. വചനാദാനഗമന വിസർഗാനന്ദഹാനോപാദാനോപേക്ഷാഖ്യ

ബുദ്ധയോനംഗകുസുമാദ്യഷ്ടൌ

16 അലംബുസാ കുഹൂർവിശ്വോദരാ വാരണാ ഹസ്തിജിഹ്വാ യശോവതി പയസ്വിനീ ഗാന്ധാരീ പൂഷാ ശംഖിനീ സരസ്വതീഡാ പിംഗലാ സുഷുമ്നാ ചേതി ചതുർദശ നാഡ്യഃ സർവസംക്ഷോഭിണ്യാദി ചതുർദശ ശക്തയഃ

17.  പ്രാണാപാനവ്യാനോദാനസമാനനാഗകൂർമകൃകര ദേവദത്തധനഞ്ജയാ ദശ വായവാസർവസിദ്ധിപ്രദാദി ബഹിർദ്ദശാരദേവതാഃ

18. ഏതദ്വായുസംസർഗകോപാധിഭേദേന രേചകഃ പാചകഃ ശോഷകോ ദാഹകഃ പ്ലാവക ഇതി പ്രാണമുഖ്യത്വേന പഞ്ചധാ ജഠരാഗ്നിർഭവതി

19. ക്ഷാരകഃ ഉദ്ഗാരകഃ ക്ഷോഭകോ ജൃംഭകോ മോഹക ഇതി നാഗപ്രാധാന്യേന പഞ്ചവിധാസ്തേ മനുഷ്യാണാം ദേഹഗാ ഭക്ഷ്യ ഭോജ്യ ചോഷ്യ ലേഹ്യപേയാത്മക പഞ്ചവിധമന്നം പാചയന്തി

20. ഏതാ ദശവഹ്നികലാസ്സർവ്വജ്ഞാദ്യാ

അന്തർദശാരദേവതാഃ

21. ശീതോഷ്ണസുഖദുഃഖേച്ഛാഃ സത്ത്വം

 രജസ്തമോ വശിന്യാദി ശക്തയോഷ്ടൌ

22. ശബ്ദാദിതന്മാത്രാഃ പഞ്ച പുഷ്പബാണാഃ

23. മന ഇക്ഷു ധനുഃ

24. രാഗഃ പാശഃ

25. ദ്വേഷോങ്കുശഃ

26 അവ്യക്തമഹദഹങ്കാരാഃ കാമേശ്വരീവജ്രേശ്വരീ ഭഗമാലിന്യോന്തസ്ത്രികോണഗാ ദേവതാഃ

27. നിരുപാധികസംവിദേവ കാമേശ്വരഃ

28. സദാനന്ദപൂർണഃ സ്വാത്മൈവ പരദേവതാ ലളിതാ 

29. ലൗഹിത്യമേതസ്യ സർവസ്യ വിമർശഃ

30. അനന്യചിത്തത്വേന ച സിദ്ധിഃ

31. ഭാവനായാഃ ക്രിയാ ഉപചാരഃ

32. അഹം ത്വമസ്തി നാസ്തി കർത്തവ്യമകർത്തവ്യമുപാസിതവ്യമിതി വികല്പാനാമാത്മനി വിലാപനം ഹോമഃ

33. ഭാവനാവിഷയാണാനഭേദഭാവനം തർപ്പണം

34. പഞ്ചദശതിഥിരൂപേണ കാലസ്യ പരിണാമവലോകനം

35. ഏവം മുഹൂർത്തത്രിതയം മുഹൂർത്തദ്വിതയം മുഹൂർത്തമാത്രം വാ ഭാവനാപരോ ജീവന്മുക്തോ ഭവതി സ ഏവ ശിവയോഗീതി ഗദ്യതേ 

36. കാദിമതേനാന്തശ്ചക്രഭാവനാഃ പ്രതിപാദിതാഃ

37. യ ഏവം വേദ സോഥർവശിരോധീതേ

ഭാവനോപനിഷത്ത് - സൂത്രങ്ങൾ

അവതരണം

ഭാരതീയ ധർമ്മപ്രചാര സഭ